為台灣島環境永續祈禱(台語)

為台灣島環境永續祈禱(台語)

上主，阮至高的創造者，

阮來到祢的面前，迫切為台灣這片美麗的土地祈禱。祢所賞賜的自然萬物、眾山及河川、樹林及海洋，是阮的祝福，互阮佇遮生活、工作，並且及其他的受造物共存。阮知這一切攏是出佇上主豐富的恩典，求祢互阮有智慧、愛心與責任感來珍惜遮的資源。上主，求祢憐憫阮，幫贊阮保護這片土地的環境品質。互阮會建立公正、透明的環保政策，並促進社會共同參與，互人人攏願意有參與的責任。求祢引導台灣的眾領袖，互亻因有智慧去制定永續的管理方案，保護阮的自然資源。

主啊，求祢保守台灣自然生態與山林的資源，互大自然的祝福會當世世代代延續。祢的創造何等奇妙，祢互不仝的受造物會當和諧共生，求祢互阮佇開發土地的時，無致到破壞生態平衡，賞賜阮有夠額的智慧和勇氣，佇保護山林、珍愛動物、植物，持守負責任的態度。

阮也為都市的綠化祈禱，願祢祝福台灣每一個城市，都能見證祢所賜的青翠及活力。互城市的空間中有閣卡濟的青翠花草、樹木，互人民會當享受大自然的氣息與平靜，促進人的身心靈健康。祢愛祢的子民，願阮也會當彼此愛護，珍惜祢所創造的美好家園。

最後，求祢幫贊阮逐人攏會當及自然和諧居起，建立正義、憐憫的關係。願阮尊重水、空氣、土地與一切受造界，珍惜祢所創造的一切美好，互阮每一個行動攏會彰顯祢的榮耀。願阮在生活中實踐撙節、骨力及愛護，使台灣島會當持續延續，使阮世世代享受上主豐富、清氣的資源。

佇基督裡面，阮誠心祈禱，阿們。